Asturllionés d'información dixital

La Xunta Militar reconocía la detención de cientos de monxos budistes a lo llargo la represión de la fola de protestes antigubernamentales. Sostién, que la mayoría d'ellos lliberáronse yá y que namái que queden 109 nos centros de detención.

Amás, el gobiernu dixo que les fuercies de seguranza tán buscando a cuatro monxos que "fuxeron", tres "desendolcar un papel destacáu nes protestes" 

Frente a too esto, l'emisariu especial de la Organización de les Naciones Xuníes, I. Gambari, que pidió la lliberación de tolos presos como pasu previu a les converses diplomátiques qu'habríen de buscar l'oxetivu de la democratización del país.

L'únicu portavoz de la estaya política (Batasuna) del Movimientu de Lliberación Nacional Vascu que ta en llibertá n'España, Pernando Barrena, declaró que vía los últimos fechos y los últimos ingresos na cárcele como una "declaración de guerra al independentismu". Tamién dixo que'l Gobiernu Español nun busca sinón perpetuar el confliutu nacional vascu y aplicá-y namái que la vía de constitución y represión.

Nes cais del País Vascu, hebo violencia nes últimes hores, anque ensin víctimes mortales. Nun ye raro qu'estos fechos se produzan agora, pos namái que queden dellos meses pa les elleiciones, y va tiempu, el Diariu Público www.puúblico.es daba anuncia del empate técnicu qu'había ente'l PSOE y el PP, lo que ta llevando al gobiernu a replantegar la estratexa elleutoral.

Nun hebo sorpreses en Paquistán: Prevez Muxarraf salió escoyíu presidente poles cámares llexislatives del país, énte la protesta de la oposición, que dimitió de los sos escaños y denonció'l fechu de qu'unes cámares a piques de finar la so llexislatura heban d'escoyer presidente envede facelo les nueves cámares que previsiblemente van formase bien ceo.

Sicasí, el principal ataque que-y fai la oposición, ye'l fechu de que va amestar los cargos de Presidente de la República y de xeneral del exércitu, magar que'l presidente elleutu declarare que: "Una vez se produza la mio elección voi quitar l'uniforme. Nun hai nenguna condición nin escusa sobre ello".

Muxarraf ascendiere al poder de Paquistán en 1999 por mor d'un guelpe d'estáu ensin víctimes y dende 2001 ye oficialmente presidente y ún de los mayores aliaos d'EE.XX. na so llucha escontra'l terrorismu isllámicu.