La plataforma cívica "V de Vivienda" convocaba a les 18h00 de güei una manifestación na Puerta del Sol, sede de la presidencia de la Comunidá de Madrid y antigua sede del gobiernu republicanu, una manifestación pa desixir l'accesu a una vivienda digna.
La mayoría de los asistentes, que llevaben o coreaben eslóganes escontra la especulación o'l poder políticu anguaño establecíu, yeren principalmente xóvenes ya independientes, si bien había persones vinculaes a organizaciones cíviques y polítiques de toa mena, y polo xeneral d'esquierdes o anarquistes. D'otra miente, la presencia policial yera más fuerte que notres manifestaciones d'esti estilu, si bien nun llegaba a les cotes de desproporción qu'hai notres manifestacioens como les de calter antimonárquicu que se vivieren en Madrid recientemente.
Según los datos qu'aporten los organizadores, habría 3 millones de pisos vacíos en tol estáu, la edá media d'emancipación ye de 32 años y en 1976 14 meses de sueldu íntegru valía pagar la hipoteca, demientres qu'en 2006 son yá 14 años (168 meses), que'l 40% de los trabayadores gana menos de mil euros o que la banca privada algamó 15.000 millones d'euros l'añu pasáu.
Dende un puntu de vista políticu, nun hai dulda dala de que'l movimientu pro-vivienda va enxertar un puntu más nel alderique de la campaña, y la vivienda va ser (o habría ser) un exe programáticu de los partíos que se vaigan presentar a les eleiciones xenerales.
asturlliones @ 18:33 Tags: vivienda especulación v+de+vivienda economía
Esbilla | 
del.icio.us
Encatáu d'haber atopáu esti requeixu asturllionés. Gracias y eiquí dexo'l miéu mail.
Mariu
08-08-2008 - 04:44:49 GMT 1